كتب / احمد عبدالعزيز
-احنا بنحب موسيماني من أيام لما كان بيدرب صنداونز، واحنا عارفين طريقة لعبه وبنحبه علشان بيحب يلعب كورة كويسة ، موسيماني يعلم جيدا قيمة الأهلي، وحين أتى تحدث معنا وأبلغنا أن اسم الأهلي له ثقله في إفريقيا، وجميع الفرق تعمل له ألف حساب، اللاعبين كانوا في أشد الحاجة لحديث موسيماني عن قيمة الأهلي في إفريقيا أمام اللاعبين، موسيماني قريب جدا من الجميع ويعامل اللاعبين كأولاده
– هناك صورة انتشرت لي وانا أشير بأصبعي على فمي، دى كانت للعيبة الاهلي وكنت أشير للاعبين أن يهدأوا لأن مؤمن زكريا كان قادم،وسيرفع الكأس ، في ناس بتقول اني كنت بعمل كده لجمهور للزمالك، انا مليش في الكلام ده ولا الحركات دي
– لما بندخل بطولة في النادي الأهلي لازم نكسبها، بالنسبالنا المركز الثاني زي الأخير
– منذ عودة الدوري بعد توقف كورونا، جميع اللاعبين شعروا بوجود تغيير في تعامل فايلر مع الفريق، لم يكن يفعل في التدريبات والاستعداد والتحضير للمباريات ما اعتاد عليه، الجميع شعر بأنه لا يفكر الا في الرحيل وبالتالي كان هناك مشكلة
– قلت لـ مؤمن زكريا زي ما بطولة الدوري بطولة مؤمن زكريا بطولة افريقيا هتكون بطولة مؤمن زكريا وان شاء الله هترفع الكأس معنا في الملعب والحمدلله ده حصل، سألت عليه قبل ما استلم الكأس واستنيته علشان يرفع البطولة
– وأنا في بتروجيت جالي عرض من البرتغال وكنت خلاص هاوقع، في نفس الوقت جه عرض النادي الأهلي فقررت ما اوقعش عقد النادي البرتغالي ورجعت الأهلي
– لما مشيت من الأهلي حطيت هدف إن لازم أرجع النادي تاني ولما رجعت حطيت هدف ألعب أساسي وأرجع المنتخب وعملت كدة، ولما رجعت الأهلي بعد 7 سنين لبست شارة الكبتنه دي حاجة كبيرة أوي عندي
– عندما رأيت الحكم قادم ليشهر لى الإنذار قلت له تعالى وانا مستنيك
– أول مرة النادي الأهلي يضيع وقت كانت في النهائي، وأخدت انذار بس مش مشكلة اخدنا البطولة، أخر 5 دقائق في المباراة مروا علينا كأنهم 90 دقيقة، بعد المباراة لم أستطع النوم حتى الصباح بسبب الضغوط على الفريق وخوفنا من عدم الوفاءبوعدنا للجماهير بالفوز بلقب البطولةل
– قلت للاعيبة بين الشوطين، افتكروا شكلكوا واحساسكوا بعد الهزيمة أمام الترجي والوداد افتكروا الصعوبات في ماتش الهلال وماتش صنداونز، وقلت لهم إن ما ينفعش بعد كل ده حلمنا يضيع في 90 دقيقة
– احنا الكباتن الكبار في الأهلي قررنا قبل ماتش الوداد إننا نفتح إنستجرام بس من غير ما ننزل أي صورة أو ستوري لحد ما البطولة تخلص
– جمهور الأهلي هو رقم 1 بالنسبالنا وكان نفسنا يبقوا موجودين في النهائي
– الناس قعدت تقول الشناوي كان قاعد جنب كل اللي عندهم كورونا بس الحمد لله مجاليش حاجة، كنت قلقان قبل المسحة الأخيرة علشان كنت عاوز ألعب الماتش وكنت مخالط للاعيبة بس الحمد لله طلعت النتيجة سلبية
