كتبت _ رضوى خالد
قال أحمد حسام ميدو لاعب نادي الزمالك السابق، في تصريحات إذاعية مع الإعلامي كريم حسن شحاتة، : ” أمير مرتضى مجند لجان إلكترونية للهجوم عليا وبيدفعلهم فلوس، أنت ولا حاجة بدون أبوك، مرتضى منصور “عربجي” ولازم يختفي من الحياة الرياضية” .
وأضاف ميدو: “مرتضى وولاده مفهمين الناس إن الزمالك هيقع، لا الزمالك مش هيقع، مرتضى في 2005 عمل كل حاجه علشان يوقع الزمالك ومنجحش ومش هيوقعوا دلوقتي، هو بيحاول يفشل الناس الموجودة دلوقتي”.
واستكمل :” أنا هاجمت مرتضى في عز قوته وبعتله بلطجية وهو بعتلي بلطجية وكان في قضايا ومكنتش عاوز أهاجمه وهو واقع وضعيف، لكن اللي بيحصل عيب احنا زملكاوية أكتر من اي حد”.
وتابع ميدو:” بقولها تاني كل لما هشوف محمود الخطيب هتصور معاه زي ما هتصور مع حسن شحاتة كل لما هشوفه”.
واختتم ميدو تصريحاته:” كلمت شيكابالا وقولتله لازم تفوزوا النهارده على المقاولون العرب والزمالك لن ينهار”.
ويذكر أن كتب ميدو عبر حسابه الشخصي بموقع التواصل الإجتماعي” تويتر” ” على فكره لو شوفت محمود الخطيب كل يوم كل يوم هروح اتصور معاه وده اللي اتربيت عليه اني احترم الكبير وأقدره واحترم الناس اللي عملت تاريخ وده اللي بعلمه لأولادي انهم يحترموا الكبير ويحترموا اي حد اجتهد واخلص لبلده ولعائلته..”
كما نشر فيديو في صباح اليوم وعلق عليه” صباح الخير..بتشتم من امبارح انا وعيلتي علشان اتصورت مع كابتن محمود الخطيب..الله يخرب بيت اللي باعلكوا التعصب وباعلكوا فكرة العداء وان احنا بيننا حرب الله يخرب بيت اللي بدع اللجان الالكترونيه والتريندات..الله يخرب بيت العيال بتوع السوشيال ميديا اللي بيوزعوا صكوك حب الزمالك”.
وكل ذلك التصريحات سببها الصورة التي التقطها ميدو مع كابتن محمود الخطيب كابتن نادي الأهلي السابق، حيث قام أحمد حسام ميدو بتداولها عبر مواقع التواصل الإجتماعي الخاص بيه معلقاً عليها” في البحر مع بيبو ” مما أدت إلى انتقاد الكثير من جمهور نادي الزمالك.
