كتبت _ رضوى خالد
نشرت الفنانة أسما شريف منير عبر حسابها الشخصي بموقع تبادل الصور والفيديوهات “إنستجرام ” مجموعة من الصور، ولافتت الأنظار بإطلالة شبابية رقية وهي ترتدي بليزر بيج وبنطلون أبيض وتيشرت أبيض، مما علقت على الصور قائلةً :” في أيام كدة بحب شكلي وبستحلي نفسي، النهاردة منهم شكراً السلام عليكوا، حب الذات”.
وكانت الفنانة أسما شريف منير وجهت رسالة لجمهورها وخاصتاً رسالة إلى جميع السيدات التي يمرون بنفس تجربتها بعد انفصالها عن زوجها الفنان محمود حجازى، عبر فيديو على حسابها على إنستجرام.
قائلةً :” أول مرة انفصلت واتكلمت في موضوع طلاقي ساعد ستات كتير انهم يحسوا إنهم مش لوحدهم وانهم ممكن يقفوا علي رجليهم تاني ويشتغلوا ويتخطوا الالم، و لما اتجوزت و كنت مطلقة و معايا بنت حسوا ان في امل و انهم مش معيوبين و لا ناقصهم حاجة عشان يستخصروا في نفسهم السعادة و بداية حياة جديدة لأنه ده حلال ربنا”.
وتابعت:” مهما المجتمع بيصعب الامور علي المطلقة أو الأرملة أو الست اللي “اتأخرت في الجواز” ده حق ربنا اداهولنا عشان عارف اكيد ان ممكن ناس متكملش مع ناس او تتشصعب في علاقة مع حد، و حالياً بعد ما القصة اللي أدت ناس كتير أمل ان في حب وعوض انتهت، ناس كتير بعتتلي أن الخبر خلاها تحس بيأس و في ناس أحبطت وده وقفني لحظة كده وحسيت بمسؤلية، طيب نرجع بقي للشهرة اللي ربنا ادهاني اكيد ليها سبب اكيد في سبب لوجودي في الدنيا فا قولت لازم اقول الكلام ده و هو من اعماق قلبي”.
وأضافت :” بعد اللي حصل اكيد زعلانه و اي فراق بيكون وجع و بيسيب فراغ و بيعمل برجلة، بس ساعات بيكون سيناريو رباني لسبب اكبر مننا احنا مش فاهمين ليه دلوقتي بس بنفهم قدام”.
