كتبت _رضوى خالد
كشف الفنان محمد نجاتي عن تقدمه بشكوى ضد الفنانة منة عرفة، وطالب فيها نقابة المهن التمثيلية بالتحقيق معها بعد ذكر اسمه في خلافها مع زوجها محمود المهدي.
وقال “نجاتي “: “قدّمت شكوى للدكتور أشرف زكي نقيب المهن التمثيلية، بعد ذكر اسمي في موضوع لا علاقة لي به، و تكذيبي على منصات التواصل الإجتماعي ، وهو إهانة بالنسبة لي.
وتابع :” الموضوع كبر، وبدأ يبقى عندي مشاكل في البيت، مراتي بقت تسألني إيه المشاهد دي اللي تخلي اتنين ينفصلوا عن بعض، وولادي في المدرسة الناس بتقولهم باباكم سبب انفصال منة عرفة، وأنا مش عارف ليه”.
وأضاف :”زوجها محمود المهدي بيتهمني إن الكلام ده محصلش، اللي محصلش إن الطلاق بسبب مشهد قياس النبض، لكن اللي حصل إنه بسبب مشهد اني هشيل منة.. وأنا مشلتهاش ليه يحصل الانفصال؟”.
وواصل” نجاتي” دي حاجة ماليش علاقة بيها خالص دي حاجة تخص المخرج والمؤلف والشركة المنتجة، وبالفعل قدمت شكوى لنقيب المهن التمثيلية الدكتور أشرف زكي عشان تم ذكر اسمي في حكاية أنا مليش علاقة بيها، وتم تكذيبي على السوشيال ميديا وده يهيني تماماً، ولسه فيه مشهد هضربها فيه بالقلم فعلى حسب قرار النقابة هعرف هضربه بقى ولا لأ”.
