تقرير: لميس محمد مصطفى
الإعلامي محمد نشأت يعلن إصابته بفيروس “كورونا”.
نشر الإعلامي محمد نشأت بوست علي صفحته الشخصية الفيس بوك، معلقا عليه قائلاً:” والحمد لله ربنا يجعل أعراضها خفيفة”.
إصابة الإعلامية دعاء عامر بمتحور أوميكرون.
نشرت الإعلامية دعاء عامر بوست تفيد بها غيرها من جمهورها ومحبينها تحذرهم من الأعراض قائلة :”الدور ده جيه لناس كتير اوي و اعراضه واحده في ناس بيجيلها بعض الاعراض و ناس بيجيلها كل الاعراض زيي انا كده جالي كل الاعراض الحمد لله وجع الزور و الاذن و الصداع و المغص و الدوخه و الشرقه و الكحه و تكسير الجسم ووجع الضهر و الرعشه و الحراره و الحاجه الغريبه ان الاعراض بتقيل ايام و تزيد ايام يعني مثلا الصداع يزيد ايام و يقيل ايام و يرجع يزيد تاني كده اعراض تخف و بعدين ترجع تاني حاجه سخيفه انك مش عارف تمسك اخر الموضوع … لكن الحمدلله ان الموضوع يأخد وقته مع العلاج و الراحه و شرب السوايل و المفروض التغذيه هيعدي على الكل و الحمدلله وخير ان شاءالله”.
إصابة الإعلامية لميس سلامة بفيروس كورونا
نشرت الإعلامية لميس سلامة بوست كبير توضح فيها معاناه حجم الالم التي تعيشه بسبب كورونا.
قالت:” كورونا ايجابي وعرفت متأخر بعد ما وصلت للرئة
لكن الحمدلله
أنا بقالي اسبوع تعبانة تعب لا يحتمل والحديد وصل ل ٣ وكل شوية نجري علي مستشفي شكل عشان بدوخ و بفقد الوعي وتعب رهيب وعملت خمس مسحات وطلعوا سلبي وعملت كل التحاليل عشان نعرف دي كورونا ولا لا وكل الناس قالولي مش كورونا وفي يوم روحت السعودي الالماني قولتلهم احجزوني الحقوني عالجوني أنا بطلع في الروح قالولي مانتي مش كورونا
عملت اكو ع القلب من التعب وبرضه مظهرش حاجة
وبعدين في عز مانا بطلع في الروح قولتلهم لبسوني وودوني أعمل مقطعية ع الصدر..واحنا بنحجز قالولي احنا عاملين عرض علي المقطعية مع المسحة مع بعض قولتلهم اعملوها مش هنخسر حاجة
فطلعت ايجابي ودخلت ع الرئة وبانت في المقطعية..الحمدلله بدأت العلاج وان شاء الله خير دعواتكم عشان أنا شوفت أصعب ايام حياتي وكنت حاسة ان أنا حقيقي بموت قعدت أدعي ربنا يخليني بس لبنتي”.
إصابة الإعلامية مني عبد الغني بمتحور اوميكرون.
كتبت بوست كبير تشكر كل جمهورها اللب سألو عليها الفترة السابقة قائلة :” بعتذر لكل الناس اللي سألوا عليا ومقدرتش ارد، وبطمنكم بس من كام يوم تم تشخيصي بڤيروس أوميكرون لكن الحمد لله بتعافى حاليًا وبتماثل للشفاء.
خلوا بالكم على نفسكم ضروري اليومين دول… وربنا يعديها على خير”.
شفاء منى عبد الغني من فيروس أوميكرون وعودتها لتقديم“الستات مايعرفوش يكدبوا” خلال ظهورها في حلقة اليوم على شاشة CBC.
