الشاعر مجدى ابو الخير
يوماتى الصبح يجمعنا
ريحة الورد
صوت عفصورة بتغنى
تمد ايديها بطيابة
تصحى الشمس
وتهمس بعدها ليا
صباح الفل يا طفلى
ياطعم الراحة والبسمة
يا اجمل صوت
واطيب قلب
انا سيبا هنا روحى …
وصحبة ورد
ساعة ما تفوق احكيلى
خبرنى عن يومك يكون ازاى
هتفطر فين
وعرفنى تكون مع مين
بحب القهوة دون سكر …
عشانى ياريت تجربها
وصور كل شئ بيصير مدار اليوم
مشاكس بس انا حباك
وفرحانة ….
اغار منى عليك طبعا
واخاف من ضمتك ليا
اموت من بعدك المفروض وانا عارفه ما تقصدتشى
واتلخبط اذا تقرب
حياتنا يا طفلى المجنون
نقضيها فى كر وفر
انا لو غبت اعذرنى
اكيد راجعة
ويوميا تلاقى الورد ف مكانة بنفس الركن
و ما تنساش تصحى الشمس من بدرى
لكن بشويش ما تزعجهاش
ولو سألت عليا يا روح الروح
طمنها اكيد راجعة
