كتبت :رضوى خالد
قامت إيمان عادل، زوجة محمود علاء مدافع الزمالك، بهجوم حاد وعنيف على الشامتين فى إصابة زوجها وذلك خلال لقاء إنبى مساء أمس، الأحد،
وكتبت إيمان عبر ستورى حسابها الخاص على موقع التواصل الإجتماعي “إنستجرام” ، “كمية سخافة وقرف وقلة أدب مش طبيعية، مش هعلق لا شوية قرود على إصابة محمود، وأعمل شغل النسوان اللى انتوا عملتوه، وده عشان أنا أرجل منكم للأسف، لكن فكرة إنك حيوان تدعى على لاعب لا عمره أذاك ولا تعرفه شخصيا أصلا ولا اتعاملت معاه لمجرد إنك من جمهور منافس، اسمحلى أقولك إن الحيوان فى رحمة فى قلبه عنك”.
وتابعت :زوجة محمود علاء
” إيمان” ، “هتستفاد ايه لما تدعى إن لاعب يجيله صليبى أو تقول يارب يموت، يا شيخ موتة تشيلك بحق لا لإله إلا الله، على الأقل ده واحد بيتعب وبيشقى، مش زيك قاعد ملكش قيمة غير انك تشتم فى خلق الله وقاعد عاطل مش وراك شغلانه غير انك تدعى على الناس من غير سبب كده”
وأضافت :” روحوا اتعالجوا بقى يا شوية مرضى وارحمونا من قرفكوا وإن شاء الله كل دعوة اتقالت تتردلك فى أهلك وأقرب الناس ليك يا معدوم الضمير والرحمة، ربنا يحرق دمك وقلبك يارب، إن شاء الله كل واحد طلعت منه دعوة مؤذية تترد فيك وفى أقرب الناس ليك وحسبى الله ونعم الوكيل”.
ويذكر أن حقق الزمالك فوزًا مهما على نظيره إنبى، بهدف دون رد، فى المباراة التى جمعت بينهما مساء أمس، الأحد، على استاد القاهرة، ضمن منافسات الجولة الثالثة والعشرين من مسابقة الدورى الممتاز.
