وسط الشارع والحواري
ناس بتشعر ع القهاوي
والغوازي ف دنيا تانيه
طبقة بايعين القضيه
والقضية مكانتش غنوه
ولا حتي ثورة
القضيه اعتراف
بأن الثورة نزوة
لو اسلاميه كانت
يبقي صوت المرأة عورة
ف العلمانيه تزعل
وتعملك مناورة
ومن الثوار تلاقي
الي يقولك دي مؤامرة
ع الناصيه مستنيه
امي بجلابيه سمرا
وخناقة ولاد حارتنا
علي فراخ الجمعيه
هتلاقي وسط الدوشه
طفله بعروسه قماش
بتجري تستخبي
ورا حيطه متداريه
وامي بجلابيه سمرا
بتبكي ع الي راح
وما بين الحين والآخر
ضاعت القضيه
الشاعرة: ايمان السيد
