الطاجن من الأطباق اللذيذة والمعروفة بشكل كبير في وطننا العربي، ويمتاز الطاجن بأنّه يحضر بأكثر من طريقة، بحيث إنّه في كلّ طريقة تضاف له مكونات مختلفة، إلا أنه في جميع الطرق يبقى محافظاً على طعمه اللذيذ.
يقول الشيف هشام الجنك في حواره مع مطبخ نبض العالم ان اهم حاجة تسخين الطاجن جيدا قبل ما تشتغل فيه،
وان جوزة الطيب فى الطواجن احسن من الملح والفلفل وطشة ثوم باللية الضاني ع الطاجن يضفي نكهة مميزة للطواجن
ومن المعروف لدينا أن الصعيد تتميز بالطواجن الشهية، في طاجن بيتعمل فى اماكن معينه فى الصعيد هي عبارة عن
طاجن خضار سوتيه بدون اي لحوم ويتكون من :
قطع بطاطس وكوسه وبسله وجزر وتقطع عليهم بصله كبيره ناعم ونحط حبة زيت زيتون ملح وفلفل اسمر ورشة قرفة
وواحدة طماطم صغيرة مكعبات ثم نخلط المزيج كويس و نقلبه، و نركنه ربع ساعه زى ما بنتبل اى حاجه
ثم نأتي في نصف الطاجن نضع حبة فلفل رومي في وسط الطاجن، هذا ليعطي لها نكهة مميزة فقط ، ثم نضع نص كوب من
الماء ونغطى الطاجن وندخله الفرن على نار هادئة من 20 دقيقة الى 30 دقيقة وبالهناء والشفاء أحلى طاجن سوتيه ولا
لحمه ولا زبدة .
أما عن الطواجن اللحمه
زي العكاوي و الباميه باللحمه الضاني او اي طاجن بداخله لحمه عشان الطاجن يبقى
غني وشهي لابد من الطشة الجميلة بتاعتنا وهي عبارة عن
فص ثوم كبير مفروم وقطعة من الليه علي النار و تطشهم عليه وتغطيها
أما الحلو في الصعيد 
طريقه الرز المعمر
اولا كل حاجه لازم تكون سخنه
اول حاجه تشغلي الفرن وتحطي البرام يسخن
مقادير
1- نص كيلو رز
2- كيلو لبن سخن
3- رشة سكر
4- ملعقتين قشطه كبار او وش اللبن
5- ملعقتين سمنه كبار زيت مينفعش
6- ملح ورشه فلفل اسود
الطريقة
يسخن الأرز يعني تشويح بسيط علشان يسخن هطلع البرام من الفرن تحطي سمنه وبعدين الرز واللبن والملح مش كتير يعني حطي وذوقي ورشه الفلفل، وربع معلقة سكر والقشطه والسمنه
هتدخلي البرام على الشبكة تحت الشوايه لحد ما ياخد اللون الأحمر دا وبعدين تطفئ الشوايه
وتشغيل الفرن علي نار هاديه وتسبيه لحد ما يستوي
طاجن الجمبري
تضربي بصلة مع طماطمايه مع فصوص ثوم مستردة وملح وفلفل وكمون وكسبره ناشفه وشطه في الخلاط عاوزينهم يكونوا ناعمين وتتبلى بيهم الجمبري و تقطعي بصل وفلفل وطماطم ترنشات واقلبهم مع الجمبري المتبل واحطه في الطاجن وارش رشه زيت بسيطه و غطيه بورقة فويل وندخله الفرن يستوي وكلوا احلي جمبري
طاجن السمك بالبطاطس
كيلو سمك وراس ثوم و كرفس، ملح وفلفل وشطه، نصف كوب زيت.. كيلو بطاطس
الطريقة
تنظيف السمك وتقطيعه او نحطه سليم، ندق الثوم مع الفلفل والشطة
قشري البطاطس وقطعيها حلقات متوسطة، وتقلبى البطاطس بخلطة الثوم ونضيف معلقتين زيت ونحطهم بالصينيه السمك هيكون نضيف نتبله بباقي خلطة الثوم ونحطه بالصينيه
نضع حلقات طماطم وبصل وفلفل وليمون وجري ع الفرن لحد ماتستوي
طاجن التورلي
فى حله هنشوح نص كيلو لحمه قطع فى معلقتين سمنه كويس وننزل عليها ببصله مقطعه ونقلبها و٣ فصوص ثوم مقطعين وورقتين لورا وفصين حبهان ورشه فلفل اسود وجوزة طيب وبهارات لحمه ثم نحط لها كوبين ميه و نهدى عليها لحد ما تبقى ٤/٣ سوا ونحط لها الملح وفى طاسه فيها سمنه وزيت هنشوح الخضار المقطع كبير كل نوع لوحده لمده دقيقتين بس (بصل/ كوسه /جزر /بطاطس /فاصوليا / طماطم/بسله)و نضيف البطاطس اللحمه ونقلبهم ونضيف لهم كوب ونصف عصير طماطم ملعقتين صلصة ورشة وبهارات وخليها لحد ما يغلوا غلوتين فضيهم فى برام كبير و غطيه بورق قصدير وادخليها فرن ساخن على درجه ٢٠٠ لمده
٣٥ل٤٠ دقيقه وممكن اشيل القصدير قبل ما أطلعه ب٥ دقايق واشغل له الشواية عشان الوش ياخد لون
طاجن العكاوي
هنشوح العكاوي في معلقتين سمنه ونسيبها على نار متوسطة تاخد لون ذهبي نضيف لها كوبين ميه سخنه ونراقبها لو احتاجت مياه نديها لحد ما توصل نص سوا
هنضرب نص كيلو طماطم فى الكبة مش الخلاط ونحطهم فحلة عالنار من غير زيت او سمنه لحد ما تتبخر
نجهز الطاجن ويكون سخن طبعا نقطع طماطم وبصل وثوم كاريهات
نفركهم مع الملح و الفلفل و الجنزبيل و الحبهان و القرفة كويس بايدنا
-نرص العكاوي في الطاجن و ونحط في الفراغات بينها البصل القاورمة نحط فوقهم خلطة البصل والبهارات، نضع فوقهم صوص سليق العكاوي ونكمله بالطماطم اللي سبكناها نقفل الطاجن بالفويل ونخليه نص ساعه في الفرن لحد مايستوي.
