كتبت :رضوى خالد
نشر “أوس أوس”، صورة تجمعه بزوجته من حفل الزفاف، قائلاً : “أنا مش محتاج أبرر وأحكي أي حاجة عن حياتي والست اللي قلبي اختارها كنت ساعتها فى أول موسم لتياترو مصر، كنا نتقاضى مرتبات مش ممكن تفتح بيت وأول ما اتجوزت كنت قاعد في بيت إيجار”.
وأضاف أوس أوس: كمان أنا بس هكتفى بالنقطتين دول علشان أصحاب العقول والنفوس المريضة يعرفوا ويبطلوا نغمة (الفلوس بتعمل أكتر من كده) الفلوس ممكن تشترى سرير بس ماتشتريش النوم، ومش أنا بس دا أغلب المشاهير اللي بتحسدوهم على حياتهم دلوقتي متعرفش بدأ من امتى واتبهدل إزاي ولولا وجود حد جنبه بيسنده ويدعمه مكانش هيعرف يعدي من أي مشكلة نفسية أو مادية فى حياته، ومش معنى أني بنزل اشتغل أو بتصور وأنا مبسوط ده معناه أني هموت من الفرحة بس دي مهنتي وواجبي ناحية جمهوري أني أخرجه من أي حزن هو فيه، كل ده بعمله على حساب حزني وجرحي ووجعي أنا، وفى الآخر بتشتم برضه”.
واستكمل أوس أوس: أنا بقول الكلام ده ولن أسمح بأي تدخل في حياتي الشخصية مرة أخرى سواء بالخير أو بالشر أو دخول اسم مراتي في أي كلمة من كلام المرضى النفسيين، مراتي اللي أخوها متوفى وابنها متوفى وماصدقت أول مره أخرجها نروح مناسبه ودمرتوها نفسيًا تاتي بكلامكم المريض، حسبى الله ونعم الوكيل فيكم، حقك عليا ياست الكل، سكت كتير وكنت بعدي لكن مفيش فايدة، كل واحد يركز في حياته”.
و إنهالت التعليقات من متابعيه على ما نشره للدفاع عن زوجته:
وعلق الفنان” أحمد السعدني” يا أخي ملعون اللي يزعلك ويزعلها”
وعلق أيضاً الفنان شيكو ” والله يا أوس أوس ما يستاهلوا تضيع وقتك في الرد ده كله… بص قدامك وسيبك منهم وهما هبطلو ا يكتبوا وركز في شغلك وحياتك وربنا يخليكم لبعض يا أطيب حد فينا”
وعلق الفنان” إسلام جمال” ” ربنا يحفظكوا ويباركلوا ويبعد عنكو اي حاجة وحشة”.
