استغاثة شاب يتعرض للعنف الأسري بالجيزة” والعيب على الراجل المحسوب علينا أب”

كتبت: أميرة إسماعيل

نشر شاب فيديو عبر حسابه بموقع “فيس بوك”، يستغيث به عن تعرضه للعنف الأسري مطالباً بتدخل أحد المسؤولين لتوفير حماية له ولأسرته.

وقال معلقاً علي الفيديو: ” مبدأيا انا مكنتش عايز اخد خطوة زي ديه في حياتي ولا كنت حابب حد يعرف عني ولا عن عيلتي شيء زي ده .. مش لانها حاجة تعيبنا ! احنا مجرد ضحايا ، والعيب كله على الراجل الي محسوب علينا أب .. زي ما شوفتوا احنا ضحايا راجل مريض بقاله سنين بياذينا بمرضه ومعرضين للموت معاه في اي وقت ، ده غير الخوف والرعب الي رباه جوانا بسبب عيشتنا معاه”.

وللتعرف علي الشاب أكثر نجد أنه :
1- يُدعي وئام ويبلغ من العمر ٢١ عاماً
2- يقوم بعمل فيديوهات ساخره علي مواقع التواصل الاجتماعي.

وسرد قصته قائلاً :” بقالنا سنين بنحاول نبعد عنه ومش عارفين لأنه راجل ظالم مش راضي يطلق أمي وشرطه علشان يطلقها تتنازل عن حقوقها وعن حقوقنا وعايزنا نسيب البيت وميدفعلناش أي نفقة ، وأنا عندي أخوات أطفال من حقهم يعيشوا في المكان وتوصلهم نفقة لحد ما يكبروا .

واستكمل حديثه: عايز أوضح شيء مهم كمان وهو أنه الراجل ده مكانش بيصرف علينا طول عيشتنا معاه رغم أنه مقتدر ماديا جدا ومعاه اللي يكفينا وزيادة ، كان بيذلنا انه معيشنا في بيته وع اللقمة اللي  بيأكلهالنا وكل احتياجاتنا كانت أمي ربنا يخليهالنا هي اللي بتجيبهالنا ولولاها كان زمانا مدفونين بالحيا معاه ، امي الي طلعتنا شبعانين وعنينا مليانة ومش ناقصنا اي حاجة لا ماديا ولا معنويا رغم انها مش مقتدرة بالقدر الكافي زي ابويا ! بس لو اخر جنيه في جيبها مكانتش بتستخسره فينا .

وذكر محاولاتهم في حماية أنفسهم عن طريق رفع القضايا حتي حصلوا علي تمكين بالمكان ،ولكن لم يكفي ذلك التمكين لحمايتهم من العنف الأسري والتعرض للتهديد بالدم من رب الأسرة، حالياً تنتشر حالة من الفزع وسط هذه الأسرة مطالبهً بتدخل أحد المسؤولين لحمايتهم.